Bessy Bell and Mary Gray
Variant 201A
1
O BESSIE BELL and Mary Gray,
They war twa bonnie lasses;
They bigget a bower on yon burn-brae,
And theekit it oer wi rashes.
They war twa bonnie lasses;
They bigget a bower on yon burn-brae,
And theekit it oer wi rashes.
2
They theekit it oer wi rashes green,
They theekit it oer wi heather;
But the pest cam frae the burrows-town,
And slew them baith thegither.
They theekit it oer wi heather;
But the pest cam frae the burrows-town,
And slew them baith thegither.
3
They thought to lye in Methven kirk-yard,
Amang their noble kin;
But they maun lye in Stronach haugh,
To biek forenent the sin.
Amang their noble kin;
But they maun lye in Stronach haugh,
To biek forenent the sin.
4
And Bessy Bell and Mary Gray,
They war twa bonnie lasses;
They biggit a bower on yon burn-brae,
And theekit it oer wi rashes.
They war twa bonnie lasses;
They biggit a bower on yon burn-brae,
And theekit it oer wi rashes.
Previous ballad | Next ballad