Peter Robins, his website

Bonnie James Campbell

Variant 210A

1
O it's up in the Highlands,
and along the sweet Tay,
Did bonie James Campbell
ride monie a day.
2
Sadled and bridled,
and bonie rode he;
Hame came horse, hame came sadle,
but neer hame cam he.
3
And doun cam his sweet sisters,
greeting sae sair,
And down cam his bonie wife,
tearing her hair.
4
`My house is unbigged,
my barn's unbeen,
My corn's unshorn,
my meadow grows green.'
* * * * *

Bonnie James Campbell

Variant 210B

1
Saddled and briddled
and booted rade he;
Toom hame cam the saddle,
but never cam he.
2
Down cam his auld mither,
greetin fu sair,
And down cam his bonny wife,
wringin her hair.
3
Saddled and briddled
and booted rade he;
Toom hame cam the saddle,
but never cam he.

Bonnie James Campbell

Variant 210C

1
Hie upon Hielands,
and laigh upon Tay,
Bonnie George Campbell
rode out on a day.
2
He saddled, he bridled,
and gallant rode he,
And hame cam his guid horse,
but never cam he.
3
Out cam his mother dear,
greeting fu sair,
And out cam his bonnie bryde,
riving her hair.
4
`The meadow lies green,
the corn is unshorn,
But bonnie George Campbell
will never return.'
5
Saddled and bridled
and booted rode he,
A plume in his helmet,
a sword at his knee.
6
But toom cam his saddle,
all bloody to see,
Oh, hame cam his guid horse,
but never cam he!

Bonnie James Campbell

Variant 210D

1
High upon Highlands,
and low upon Tay,
Bonnie George Campbell
rode out on a day.
2
`My meadow lies green,
and my corn is unshorn,
My barn is to build,
and my babe is unborn.

Previous ballad | Next ballad